MPJ dënon vandalizmin e varrezave ortodokse në Lipjan

Të shtunën rreth orës 13:00 janë demoluar disa nga gurët e varreve ortodokse në Lipjan. “Është raportuar se person-a të pa njohur kanë dëmtuar disa gurë të varrezave Ortodokse serbe në rrugën “Avdi Kelmendi”, thuhet në njoftimin e Policisë të së dielës, njofton Klan Kosova. Për këtë rast sot ka reaguar edhe Ministria e Punëve të Jashtme. “Ministria e Punëve të Jashtme dënon ashpër vandalizmin e disa gurëve të varrezave ortodokse serbe në komunën e Lipjanit”. Kjo ministri kërkon nga organet e rendit dhe të hetuesisë të bëjnë gjithçka që është e mundur për të zbuluar dhe nxjerrë përpara drejtësisë autorët e këtij incidenti kriminal. “Për Republikën e Kosovës, bashkëjetesa, raportet dhe harmonia ndëretnike, janë të shenjta”. “Ministria e Punëve konsideron se edhe incidenti në fjalë është kundër interesave të Kosovës dhe se autoritet shtetërore do të bëjnë të pamundurën që raste të këtilla të mos përsëriten”.

klankosova.tv