Mourinho: Kam simpati për Wenger-in

Përkundër rivaliteti të madh, trajneri i Manchester United, Jose Mourinho, ka thënë se ndjenë “simpati”, për Arsene Wenger, dhe shpreson shumë se ai do të vazhdojë të jetë trajner i Arsenalit dhe nuk do të shkarkohet nga ai post. “Kam simpati edhe për të gjithë menaxherët e tjerë, sepse të gjithë e jetojmë të njëjtën dhimbje”, ka thënë Mourinho, njofton Klan Kosova. “Futbolli ka ndryshuar. Tani është një lojë që e bën të pamundur për trajnerët të qëndrojnë gjatë në një skuadër”. “Tani në futboll nëse s’keni sukses duhet të largoheni – prandaj po, ndjehem keq për trajnerët e tjerë. Kur jeni në një klub për 20 vjet është e pamundur të keni sukses çdo vit, edhe Sir Alex do t’ua thoshte këtë”. “Shpresoj se Wenger do ta mbajë vendin e tij të punës në Arsenal, vërtetë shpresoj kështu. Shpresoj se klubi do t’i besojë. Mendoj se Arsene është ndoshta trajneri i fundit që ka mbetur i cili i sjell klubit stabilitet për një kohë aq të gjatë”.

klankosova.tv