Momente prekëse në Kroaci: Zbulohet pllakë për kosovarët që vdiqën në aksident, përlotet Elijona

Në Sllavonski Brod të Kroacisë është zbuluar pllaka përkujtimore në nderim të dhjetë viktimave të aksidentit tragjik rrugor të 25 korrikut 2021, ku humbën jetën 10  qytetarë të Kosovës.

Ceremonia u organizua nën përkujdesjen e Ambasadës së Republikës së Kosovës në Kroaci, ndërsa morën pjesë përfaqësues të institucioneve të Kosovës dhe Kroacisë, familjarë të viktimave dhe qytetarë të shumtë.

Aksidenti i 25 korrikut 2021 në Sllavonski Brod ishte një nga tragjeditë më të rënda që preku qytetarët e Kosovës në Kroaci. Në të humbën jetën dhjetë persona, ndërsa dhjetëra të tjerë u lënduan.

Në fund të ceremonisë, autoritetet kroate përcollën mesazh solidariteti për familjet e viktimave, duke theksuar se pllaka do të mbetet një kujtim i përhershëm për jetët e humbura.