Lajmet e fundit
Modelet me më shumë peshë janë duke fituar gjithnjë e më shumë popullaritet, në sajë të bukurisë së tyre ashtu si edhe vetëbesimit duke shtuar këtu edhe faktin se njerëzit po e kuptojnë se nuk është shumë e shëndetshme të jësh shumë i hollë.
Ndoshta industria e modelimit së shpejti do të arrijë një pikë kthese dhe do të ndalojë diskriminimin ndaj vajzave që janë pak me më shumë kilogramë.
Por edhe pse kjo ende nuk është arritur, le të shohim se çfraë nënkuptojmë kur themi “modele me më shumë peshë”, transmeton Klan Kosova.
Për shumë prej modeleve të cilët kanë përmasa të ndryshme trupore, mund të jetë frustruese që të kenë këtë “mbiemër” mbi vete. Në të vërtetë, cila nga to do të mund ta pëlqente një gjë të tillë dhe ta kuptonte vërtetë?
Stefania Ferrario është një nga ato gra.
Kjo vajzë 23-vjeçare australiane punon si një modeel dhe në mënyrë aktive i reziston faktit se është më ndryshe nga modelet tjera, ka shumë më shumë kilogramë se koleget e saj në këtë fushë.
Shumicën e kohës, Stefania reklamon rroba të brendshme, duke theksuar kështu edhe shumë më shumë format e saj trupore.
Ishte vetë ajo që ka postuar shumë fotografi në rrjete sociale, duke ngritur edhe një fushatë që njerëzit t’i pranojnë dhe t’i duan njëlloj të gjitha format trupore.
“Unë jam një modele. Fatkeqësisht, në këtë botë të modës, ju quheni modele me më shumë peshë, nëse keni disa kilogramë më shumë se shumica. Kjo mund të jeta një gjë negative, ashtu si edhe të ketë ndikim në shanset e një vajze të re për të pasur sukses”, ka thënë ajo.
