Mirush Kabashi risjell “Apologjinë e Sokratit”

Në edicionin e 13-të të Festivalit Ndërkombëtar të Teatrove, ku do të shfaqen kryesisht pjesë ndërkombëtare, Artistit të Merituar i është rezervuar mbrëmja përmbyllëse më 22 korrik.

Në aktivitetin që ngriti siparin të shtunën marrin pjesë trupa teatrore shqiptare dhe nga vendet fqinje.

Nata e parë prezantoi trupën bullgare me shfaqjen “Dekameroni”, nën regjinë e Diana Dobrevës.

Në ditën e dytë do të jetë teatri “Silence” i Bergamos në Itali, që do të ngjitë në skenë veprën “Zëra të huaj” me regji të Luixhi Pecotit.

“Elektra”, një ndër shfaqet e suksesshme të trupës së teatrit “Aleksandër Moisiu”, po ashtu do jetë pjesë e festivalit mbrëmjen e së hënës.

Më 21 korrik do të jetë radha e Teatrit të Shkupit që do të sjellë “Lisistratan” me regji nga Natasha Poplavska.