Administrata Amerikane e Ushqimit dhe Barnave, FDA, e ka miratuar ilaçin e parë dhe të vetëm injektues që parandalon infektimin me HIV vetëm me dy doza në vit.
Kjo terapi e re, Yeztugo (lenacapavir), për parandalimin e HIV-it, e zhvilluar nga kompania Gilead Sciences, ka rezultuar më shumë se 99.9% efektive në provat klinike, përcjell Klankosova.tv.
Ajo u krijua për të ndihmuar veçanërisht ata që kanë vështirësi në përdorimin e përditshëm të pilulave për parandalim, apo që përballen me stigmat sociale dhe mungesën e kujdesit shëndetësor.
“Kjo është një risi që mund të ndryshojë situatën përfundimisht,” tha Dr. Mattheë Hamill, infektolog në Johns Hopkins.
Në dy studime të fazës së tretë, PURPOSE 1 dhe PURPOSE 2, Yeztugo tregoi efikasitet pothuajse të plotë: Te mbi 5,000 gra cisgjinore në Afrikën Sub-Sahariane, nuk pati asnjë rast infektimi. Te mbi 3,000 burra homoseksualë dhe persona me gjini të ndryshme, u regjistruan vetëm dy raste, duke treguar 99.9% mbrojtje.
●●●
LSHKRIMI NGA
L
Editorial nga Klan Kosova — ndjek shëndet dhe zhvillimet e tjera kryesore të vendit.
