Ministri Murati tha se është rritur qarkullimi i bizneseve, ish-ministrja Bajrami i reagon

Ministri i Financave dhe Transfereve, Hekuran Murati, ka ndarë me ndjekësit e tij në Facebook disa të dhëna mbi qarkullimin e bizneseve në muajt e parë të këtij viti. Sipas tij, qarkullimi për muajt janar dhe shkurt të këtij viti, në krahasim me të njëjtën periudhë të vitit të kaluar, ka shënuar rritje +4.8%, raporton Klankosova.tv. Ai thotë se këto janë të dhënat zyrtare, të deklaruara në ATK. Ndërkaq, ministri tha se “çdo pretendim tjetër nëpër studio televizive ose është i keqinformuar, ose qëllimkeq”. Ndaj këtyre deklarimeve ka reaguar ish-ministrja e dikasterit të njëjtë, Hykmete Bajrami. Në një status në Facebook, ish-ministrja ka thënë se qeveria, gjegjësisht ministria e Financave, nuk ka bërë asgjë për sektorin privat, “përveç që ju ke marrë taksat dhe i ke shpërnda në formë të karameleve”. Ndër të tjera, ajo ka thënë se “eksportet e Kosovës të vitit 2023 janë për 6% me të ulëta se ato të vitit 2022”, duke i thënë ministrit Murati se duhet të flasë edhe për këtë. Deputetja e LDK-së i ka kërkuar përballje ministrit Murati në debat televiziv. “E sa ju përket atyre që po themi në studio merr leje ndonjë ditë, gjeje guximin e hajde përballemi”, ka shkruar ajo. Më poshtë, statusi i saj i plotë: Minister, po ta kujtoj se eksportet e Kosovës të vitit 2023 janë për 6% me të ulëta ? se ato të vitit 2022, për këtë s’po flet a? Çka ke bë ministër për sektorin privat që po krenohesh me qarkullimin e tyre,  përveç që ju ke marrë taksat dhe i ke shpërnda në formë të karrameleve. Në mandatin e juaj: ❌Investiemt kapitale të nivelit qendror  janë të njëjta me ato të vitit 2017, plus ti ke inflacion 23% në tri vitet e fundit, ❌Bizneseve u është dyfyshu tatimi në pronë, ❌Bizneseve u është rritë çmimi i energjisë, ❌Bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët ? se ai i vitit 2022. ❌Që dy vjet e ke drejtorin e ATK-së pa mandat, të emruarin e PDK-së në kohën e  Bedri Hamzës ministër i financave, çka me të thanë…?‍♀️ E sa ju përket atyre që po themi në studio merr leje ndonjë ditë, gjeje guximin e hajde përballemi.