Mbrojtësi i Bournemouthit, Milos Kerkez, mund të konsiderohet tashmë lojtar i Liverpoolit.
Kështu së paku raporton gazetari Fabrizio Romano.
Ai tha se testet mjekësore tashmë kanë përfunduar se kontrata mes klubit dhe lojtarit është nënshkruar.
Shërbimet e tij, “The Reds” i kanë paguar rreth 47 milionë euro (40 milionë funte), transmeton Klankosova.tv.
“Testet mjekësore kanë përfunduar dhe kontrata është nënshkruar me mbrojtësin e majtë që t’i bashkohet Liverpoolit për 40 milionë funte nga Bournemouth”, shkroi Romano.
Ai tha se deklarata zyrtare pritet të publikohet shumë shpejt.
Deri më tani, në këtë afat kalimtar, Liverpooli ka nënshkruar edhe me dy yjet e Leverkusenit, Florian Wirtz dhe Jeremie Frimpong. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
