Miley Cyrus dhe Liam Hemsworth zyrtarisht të divorcuar

13 muaj pasi thanë “Po”, Miley Cyrus dhe Liam Hemsworth janë zyrtarisht të divorcuar. TMZ ka raportuar se gjykata e ka vërtetuar marrëveshjen për divorc që tashmë ish-çifti e kishte dorëzuar në muajin dhjetor të vitit 2019. Si pjesë e kësaj marrëveshje, Cyrus do t’i mbajë kafshët e tyre. Procedura e divorcit ishte e thjeshtë për Cyrus dhe Hemsworth, pasi ata nuk kishin fëmijë dhe po ashtu kishin nënshkruar një marrëveshje paramartesore. Çifti, pas disa viteve herë në lidhje e herë jo, janë martuar në muajin dhjetor të vitit 2018. Më pas, në muajin gusht të vitit 2019 ata kishin njoftuar se janë ndarë – vetëm pas tetë muajsh martesë. Më 21 gusht, Hemsworth kishte aplikuar për divorc. “Kjo ndarje nuk i ka befasuar njerëzit që i njohin ata. Pasi ata u ribashkuan, pothuajse të gjithë menduan se ishin çifti ideal, por ata kishin akoma shumë probleme. Ata nuk i donin më gjërat e njëjta dhe thjesht lidhja e tyre e dashurisë nuk po funksionte më”, kishte thënë një burim për revistën People atë herë. Pas ndarjes, këngëtarja ka qenë në lidhje të shkurtër dashurie me yllin e “The Hills” Kaitlynn Carter, ndërsa nga muaji tetor është në lidhje me Cody Simpson. Në ndërkohë, aktori Australian ka qenë në lidhje me modelen australiane Gabriella Brooks.