Meta pritet të lançojë rivalin e Twitterit të enjten

Pronari i Facebook-ut, Meta, po lançon aplikacionin e tij të ri për të rivalizuar Twitterin dhe thotë se do të publikohet të enjten. Aplikacioni, i cili quhet Threads dhe është i disponueshëm për porosi paraprake në Apple App Store, do të lidhet me Instagram. Screengrabs tregon një panel kontrolli që duket i ngjashëm me Twitterit. Meta e përshkruan Threadsin si një "aplikacion bisedash të bazuar në tekst". Ky veprim është i fundit në një rivalitet midis shefit të Metas, Mark Zuckerbergut dhe pronarit të Twitterit, Elon Musk. Muajin e kaluar, dyshja ranë dakord për një përleshje fizike, megjithëse është e paqartë se sa serioze ishin dy burrat në lidhje me këtë deklaratë. "Faleminderit zotit që ata janë të drejtuar kaq mirë", iu përgjigj Musk një postimi në Twitter në lidhje me Threads, me një goditje të dukshme ndaj Zuckerbergut. Ndërkohë, Twitter ka thënë se paneli i njohur i përdoruesit, TweetDeck do të kalojë pas një paywalli brenda 30 ditësh. Lëvizja është shtytja e fundit e Muskut teksa përpiqet t'i bëjë përdoruesit të regjistrohen në shërbimin e abonimit të Twitter, Twitter Blue. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.