Meta: Asnjëherë s’është vonë për zgjidhje

Presidenti i ri shtoi se asnjëherë nuk është vonë për zgjidhje të përgjegjshme dhe gjithëpërfshirëse që i shërben stabilitetit të vendit dhe hapjes sa më shpejt të negociatave me Bashkimin Evropian. Kjo deklarate vjen ne nje moment qe Basha dhe Rama kane deshtuar te gjejne nje zgjidhje qe PD te futet ne zgjedhje dhe kur kryeministri ka theksuar se do te shkohet ne zgjedhjet e 18 qershorit pa PD.

Nën-Sekretari i Shtetit Amendola e uroi Meten në emër të qeverisë italiane për zgjedhjen e tij në postin e Presidentit të Republikës duke nënvizuar se “Italia është shumë e lumtur me zgjedhjen tuaj në krye të shtetit.” Në këtë kuadër, Amendola theksoi se Shqipëria mund të mbështetet gjithnjë tek përkrahja e Italisë, si një partner tradicional i qëndrueshëm.

Meta shprehu mirënjohjen për partneritetin e shkëlqyer mes Shqipërisë dhe Italisë dhe vuri në dukje se një Itali e fortë i shërben edhe zhvillimit të Shqipërisë dhe rajonit të Ballkanit.