Merz: Rusia do ta ndalojë luftën në Ukrainë vetëm nëse detyrohet

Kancelari i Gjermanisë ka paralajmëruar se Rusia do ta ndalojë luftën e saj në Ukrainë vetëm nëse detyrohet për arsye ekonomike dhe ushtarake. Friedrich Merz theksoi se përkundër veprimeve për t'u arritur paqe në Ukrainë, sulmet ruse sërish vazhdojnë, raporton SkyNews, transmeton Klankosova.tv. "Të gjitha përpjekjet e javëve të kaluara janë përgjigjur me një qasje edhe më agresive nga ky regjim në Moskë kundër popullsisë në Ukrainë", tha Friedrich Merz. Ai shtoi se kjo nuk do të ndalet derisa të sigurohemi së bashku që Rusia, "të paktën për arsye ekonomike, dhe ndoshta edhe për arsye ushtarake... nuk mund ta vazhdojë më këtë luftë". /Klankosova.tv