Merkel i jep ultimatum Vuçiqit për çështjen e Kosovës

Kancelaria gjermane, Angela Merkel, i ka dhënë ultimatum presidentit serb, Aleksandër Vuçiq, që ta pranojë qëndrimin gjerman për çështjen e zgjidhjes së problemit me Kosovën, përndryshe Serbia do të ndëshkohet keq. Sipas Espreso.rs, pas këtij qëndrimi edhe Vuçiq tashmë deklaron se s’ka asgjë sa i përket idesë për korrigjim të kufijve, transmeton Klan Kosova. “Nuk ka asgjë nga korrigjimi i kufirit sepse nuk kishte njerëz të guximshëm dhe racional që t’i kuptonin interesat serbe. Nuk jam në favor të Pavarësisë së Kosovës brenda kufijve aktual, që i ka njohur Rada Trajkoviq dhe Angela Merkel. Por idetë e mia kanë dështuar se populli ynë mendonte ndryshe bashkë me shumicën e botës”. Ndërsa Merkel e ka përsëritur disa herë se korrigjimi i kufirit dhe ndarja e Kosovës nuk janë opsione të cilat i mbështet Berlini zyrtar. Ky qëndrim i saj nuk ka devijuar edhe përkundër faktit se nga disa shtete ka pasur zëra që kanë mundur të interpretohen si përkrahës të një ideje për korrigjim të kufijve.

klankosova.tv