Meghan Markle shfaq barkun prej shtatzëne, flet për ndikimin e pandemisë tek gratë

Meghan Markle ka bërë paraqitjen e saj të parë në televizion që nga intervista e saj në Oprah. Ajo dukej mahnitëse dhe shfaqi barkun e saj të fryrë, në fjalimin Vax Live, ndërsa është në pritje të fëmijës së saj të dytë, njofton Klan Kosova. Në këtë paraqitje të saj, ku mbante të veshur një fustan të kuq të ndezur me lule, ajo foli edhe për shtatzëninë e saj, ku foli edhe për gjininë e foshnjës. ''Burri im dhe unë jemi të entuziazmuar që së shpejti mirëpresim një vajzë''. Ajo shtoi mes tjerash se kjo është një ndjenjë gëzimi që e ndajnë me miliona familje të tjera në botë. ''Kur mendojmë për të, ne mendojmë për të gjitha gratë dhe vajzat në të gjithë globin, të cilave duhet t'u jepet aftësia dhe mbështetja për të na udhëhequr përpara''. Meghan gjithashtu kritikoi "rritjen e dhunës me bazë gjinore" dhe pengesat e reja që "kanë përmbysur kaq shumë përparim për gratë në vendin e punës''.