Mediumi amerikan: Kosova fiton kundër Turqisë

Mediumi amerikan ESPN ka publikuar një analizë për finalen e “play-off”-it drejt Kupës së Botës 2026 mes Kosovës dhe Turqisë, duke e parë Kosovën si fituese të mundshme të këtij dueli vendimtar. Sipas këtij vlerësimi, “Dardanët” kanë potencial real për të surprizuar kundërshtarin, edhe pse Turqia konsiderohet favorite në letër për shkak të përbërjes cilësore të skuadrës. Në analizë, theksohet puna e trajnerit Franco Foda dhe karakteristikat e ekipit kosovar, i cili përshkruhet si i ri, energjik dhe i guximshëm në lojë. ESPN vlerëson se Kosova ka kapacitetin për ta vënë në vështirësi një skuadër turke të mbushur me talentë të njohur si Arda Güler, Hakan Çalhanoglu dhe Kenan Yıldız. Edhe pse Turqia ka fituar dy përballjet e mëparshme dhe mbetet favorite, artikulli nënvizon se atmosfera në stadiumin Fadil Vokrri Stadium pritet të jetë elektrizuese dhe mund të ndikojë dukshëm në favor të Kosovës. Sipas parashikimit të ESPN: fitues do të jetë Kosova. Kjo ndeshje shihet si një moment historik për Kosovën, pasi një fitore do t’i siguronte kualifikimin në Kupën e Botës 2026, duke përfaqësuar një sukses të jashtëzakonshëm për futbollin kosovar.