Më 27 shkurt dalin në shitje biletat për miqësoren Suedi-Shqipëri

Më 25 mars, kombëtarja e Shqipërisë do ta luajë një ndeshje miqësore kundër Suedisë. Ndeshja do të zhvillohet në ora 19:00 në Stockholm në "Friends Arena". Lidhur me këtë lojë, Federata Shqiptare e Futbollit, ka dalur me një njoftim për shitjen e biletave. Sipas FSHF-së, ato do të mund të blihen nga data 27 shkurt, duke filluar nga ora 10:00. Në njoftim ceket se biletat mund të blihen vetëm online në faqen fshf.org. Miqësorja me suedezët, do të jetë e dyta për "kuqezinjtë". Pasi që, të parën do ta zhvillojnë kundër Kilit. Ndeshja luhet më 22 mars në stadiumin "Enio Tardini”, në Parma të Italisë duke filluar nga ora 20:45.