Më 1888, Amerika përjetoi stuhinë më shkatërruese të borës (FOTO)

Shtetet e Bashkuara të Amerikës këtë janar ishin goditur nga një stuhi e madhe dëbore ku kishin rënë 60 centimetra borë brenda pak orësh Nga kjo gjendje në bregun lindor të Amerikës, dy shoferë kishin vdekur në Karolinën Veriore, dhe një pediatër në Maryland. Më  shumë se 50 milionë njerëz ishin paralajmëruar për këtë stuhi paralizuese, ndërsa rrugët ishin mbyllur dhe ishte i pamundur transporti ajror, transmeton Klan Kosova. Por kjo nuk ishte stuhia më e madhe e borës në këtë pjesë të SHBA-ës. Bregu lindor i Amerikës ishte goditur nga një stuhi shkatërruese edhe 128 vjet më parë. Më 11 mars 1888, ajo u bë e njohur si Uragani më i madh i bardhë, i cili për tre ditë kishte shkaktuar kaos në New Jersey, New York, Massachusetts, Rhode Island dhe Connecticut. Ishte  një nga stuhitë më të rënda që ishte regjistruar në historinë e Shteteve të Bashkuara të Amerikës. 400 persona kishin humbur jetën si pasoj e saj. Më 1888, bora kishte rënë deri në 152 centimetra, ndërsa lartësia e stoqeve të borës kishte arritur në 15 metra. Njerëzit ishin mbyllur në shtëpi e tyre për një javë, pa TV ose internet, ndërsa trenat dhe linjat telefonike ishin vështirësuar tej mase. Megjithatë, një gjë e mirë kishte ardhur pas këtij Uragani, transmeton Klan Kosova. Qyteti i Bostoni duke parë bllokimin që kishte shkaktuar bora, kishin vendosur për të ndërtuar një metro, e nëntë vjet më vonë Metro e Bostonit u bë rrjeti i parë nëntokësor hekurudhor në SHBA.