Më 11 tetor shërbehen kafe e çaj në sheshin "Zahir Pajaziti"

Sivjet për herë të dytë në Prishtinë organizohet  "Festivali i  Kafes dhe Çajit" Ky festival do të mbahet për dy ditë radhazi, më 11 dhe 12 tetor në ambient të hapur në sheshin ‘’Zahir Pajaziti’’në kryeqytet  duke filluar nga ora 10:30 deri në 21:00. "Ky Festival do të sjell një frymë të re tek qytetarët pasi që vet karakteri i këtij festivali është argëtues, informues dhe vetëdijesues dhe çdo gjë që do të shërbehet në festival (i pari i këtij lloji) do të jetë falas apo me çmime promovuese". "Në këtë edicion do të marrin pjesë afë 16 brende të kafes dhe çajit ato vendore si dhe ndërkombëtare. Nga brendet e çajit do të jenë: Emona Brand, çaji  Albred, Kraco Brand, Podravka, 1001 Lule, Essi Tea, Loyds Tea ndërsa nga brendet e kafes do të jenë ato tani të njohura për publikun si: Lavazza, Nescaffe, Barcaffe, Essi Caffe, Mokate, Alprase dhe kështu me radhë". "Në festival do të përformojnë DJ të njohur vendor, do të ketë maskota me karaktere të ndryshme  të cilat do të përkujdesen për argëtimin e vizitorëve, ku nuk do të mungojnë edhe dhuratat e ndryshme për të cilat përkujdesen pjesëmarrësit e festivalit", bëhet e ditur në një njoftim për media të organizatorëve të këtij festivali, transmeton Klan Kosova.