Mbyllet pjesa e parë, Ylli udhëheq në Prizren ndaj Bashkimit

Golden Eagle Ylli po vazhdon të jetë arrë e fortë për të gjithë kundërshtarët në ProCredit Superligën e Kosovës në basketboll. Pasi mposhti në tri xhirot e fundit, Trepçën, Prishtinën dhe Pejën, suharekasit janë duke shfaqur një ndeshje të mirë edhe ndaj liderit të renditjes tabelare. Ani se në të mirë të Bashkimit përfunduan 10 minutat fillestare në palestrën "Sezair Surroi" në Prizren, 25-24, mysafirët u rikthyen në çerekun e dytë, duke shkuar në pushim me epërsi prej një pike, 48-49, raporton Klankosova.tv Ky derbi kampional po transmetohet drejtpërdrejt në kanalin Sport 3 të platformës kryesore shqiptare, ArtMotion! Aktualisht prizrenasit e udhëheqin renditjen tabelare në ProCredit Superligën në basketboll, me 18 fitore e shtatë humbje, kurse "Xhebrailat" nga 25 ndeshje, kanë triumfuar 12 herë, kurse 13 duele i kanë humbur.