Mbyllet muzeu që i ruante veturat e Pablo Escobarit në Kolumbi

Policia kolumbiane ka mbyllur një muze të vogël i cili i është kushtuar jetës së bosit të drogës, Pablo Escobar në Medellin, njofton Klan Kosova. Zyrtarët organizuan një bastisje për të mbyllur objektin e muzeut, i cili është në pronësi të vëllait të Escobarit, sepse nuk kishte një licencë turistike me të cilën duhej të vepronte. Në kulmin e karrierës së tij, karteli i Escobar siguroi rreth 80% të kokainës të kontrabanduar në Shtetet e Bashkuara. Ai u vra nga policia në Medellín në vitin 1993. Turistët e huaj ishin duke e vizituar muzeun derisa policia bastisi vendin, të mërkurën. Disa nga gjësendet e ekspozuara në muze- të cilat janë pjesë e të ashtuquajturit turne narkotik në qytet- përfshijnë disa nga makinat dhe motoçikletat e Escobarit.   “Është një pezullim i përkohshëm i veprimtarisë së këtij biznesi në Medellin, i cili i është dedikuar për promovimin e jetës së një prej banditëve më famëkeq, i cili ka bërë më së shumti dëm në këtë qytet”, tha shefi i sigurimit të Medellinit për gazetën lokale El Colombiano. "Sikur të mos ishte e mjaftueshme, kjo ndërtesë gjithashtu nuk ishte në përputhje edhe me rregulloret". Ndalesa të tjera në kuadër të “turneut të narkotikëve” përfshijnë vendin ku është varrosur Escobari dhe një shtëpi luksoze në pronësi të tij në qytet. Kryebashkiaku i qytetit ka kritikuar më parë turnet narkotike që lavdërojnë jetën e trafikantëve të drogës, duke përfshirë atë të Escobarit. https://www.youtube.com/watch?v=MI1tVWWBNiY