Mbyllet "Mural Fest 2021", disa nga veprat që zbukuruan fasadat e pallateve në Tiranë (FOTO)

Pas 45 ditësh punë intenstive dhe dy vjet përgatitje mbyllet me sukses "Mural Fest 2021" organizuar nga Dekor Tirana dhe kuruar nga Helidon Doni Haliti dhe Kiriakos Losifidis.

Artistë me famë ndërkombëtare nga Gjermania, Italia, Spanja, Greqia, Indonezia, etj udhëtuan drejt Tiranës për artin e magjishëm të ngjyrave murale.

Gjatë këtyre ditëve, artistët dhanë mesazhet e tyre përmes hapësirave të qytetit duke sjellë një energji shumë të bukur e duke lënë një muze të hapur në natyrë.

Jeta e përditshme, rruga dhe historitë e saj u shkrinë me fasadat e godinave në Tiranë duke ridizajnuar hapësirat urbane dhe kthyer ato jo vetëm në pika të reja atraksioni në kryeqytet, por edhe destinacione për turistët e shumtë të huaj dhe ata vendas.

Ky event i kthyer tashmë në një traditë të bukur për kryeqytetin, është një festival ngjyrash./tvklan