Mbreti Charles III i prekur nga hallet e Kosovës (VIDEO)

Mbreti Charles III i cili sot i drejtohet kombit të Mbretërisë së Bashkuar si trashëgimtar i fronit, e ka një lidhje të veçantë me Kosovën. Në mars të vitit 2016, ai e vizitoi Kosovën së bashku me dukeshën Camilla, ku u mirëpritën me Gardë Ceremoniale të FSK-së nga presidentja e atëhershme e Kosovës, Atifete Jahjaga, në aeroportin ndërkombëtar të Prishtinës “Adem Jashari”. Në Prishtinë, ata u takuan edhe me disa familjarë të personave të zhdukur nga lufta në Kosovë dhe i morën afër zemrës rrëfimet e tyre, shkruan Klan Kosova. Pasi dëgjoi rrëfimin e njërës prej nënave, u duk se Charles e përjetoi rëndë tregimin e saj, me ç‘rast zgjati duart për ta përqafuar dhe ngushëlluar atë. Televizioni Klan Kosova e ka përcjellë nga afër vizitën e princit Charles në Kosovë, i cili ndër të tjera vizitoi edhe qytetin e vjetër të Prizrenit nga ku provoi edhe ushqimin tradicional të shqiptarëve. https://www.youtube.com/watch?v=821_AK59S5s https://www.youtube.com/watch?v=aXI2u7eHzVU

klankosova.tv