Mbi 88 përqind e votave të numëruara, ky është rezultati preliminar sipas KQZ-së

Komisioni Qendror i Zgjedhjeve, po e vazhdon procesin e numërimit të votave të 9 shkurtit. Sipas të dhënave të KQZ-së, deri më tani janë numëruar 88.04 përqind e votave. Nga kjo del se partia e parë është Lëvizja Vetëvendosje, me 41.29% apo 306 mijë e 556 vota; E dyta renditet Partia Demokratike e Kosovës, me 21.83% apo 162 mijë e 33 vota; Lidhja Demokratike e Kosovës është e treta, me 17.75% apo 131 mijë e 798 vota; Aleanca për Ardhmërinë e Kosovës, me partnerët e koalicionit "Për Kosovën Fituese", i ka 56 mijë e 994 vota apo 7.68%; Derisa Lista Serbe, i ka 3.96% apo 29 mijë e 406 vota. Për çdo detaj të procesit të numërimit të votave, Klankosova.tv do t'ju mbajë të informuar.