Mbahet tryezë për dialogun Kosovë-Serbi

Grupi për Studime Juridike dhe Politike (GLPS) dhe Instituti i Prishtinës për Studime Politike (PIPS) mban tryezën e diskutimit me temë “Humbësja e Madhe e dialogut: Diskutim mbi parimet dhe strategjitë që parandalojnë institucionet e Kosovës të zhbëjnë karakteristikat unike të Kosovës”.

Kjo tryezë  ka për qëllim të vë në diskutim premisat mbi të cilat dialogu Kosovë-Serbi po zhvillohet, si dhe të identifikoj parimet që duhet përcjellë strategjinë e Kosovës në këtë proces.

Për më tepër, në këtë diskutim panelistët do fokusohen në analizimin e ideve të shkëmbimit të territoreve, të mundësisë së zhvillimit të dialogut pa përfaqësimin e shumicës së partive politike shqiptare, të mandatit kushtetues të Presidentit për të udhëhequr dialogun, i vetëm, dhe për pasojat e përhershme që ky proces do ketë për Kosovën.

Panelistët:

Prof. Dr. Enver Hasani – Ish-President i Gjykatës Kushtetuese në Kosovë;

Dr. Sc. Belul Beqaj – Njohës i procesit të Dialogut Kosovë-Serbi;

Lulzim Peci – Drejtor Ekzekutiv, Instituti KIPRED;

Fisnik Halimi – Analist dhe njohës i procesit të Dialogut Kosovë-Serbi;

Vigan Qorrolli – Ligjerues, E Drejta Ndërkombëtare Publike, Universiteti i Prishtinës;

Taulant Kryeziu – Njohës i procesit të Dialogut Kosovë-Serbi.