Masat e Policisë së Kosovës me rastin e vizitës së Biden

Policia e Kosovës përmes një komunikate ka bërë të ditur se ka marr masa të nevojshme duke angazhuar kapacitete të mjaftueshme për garantimin e rendit dhe sigurisë publike, gjatë vizitës së zëvendëspresidentit amerikan, Joe Biden.

Përveç masave në aspektin e rendit dhe sigurisë, Policia e Kosovës ka ndërmarr masa edhe për menaxhimin dhe kontrollin e trafikut rrugor, ku në intervale të caktuara kohore në disa rrugë do të ketë edhe ndalim të përkohshëm të qarkullimit.

Policia ka njoftuar se ndërprerje të përkohshme të qarkullimit do të ketë në këto rrugë:

• Me datën 16.08.2016, nga ora 18:00 nuk do të lejohet qasja e veturave në rrugën “Tringë Smajli” para hotelit “Sëiss” në Prishtinë deri në përfundim të vizitës.


• Me datën 17.08.2016 nga ora 08:00 do të ndalohet për qarkullim  rruga “Agim Ramadani” nga Sllovenia Sport deri te rreth-rrotullimi te ish Gjykata e Qarkut prapa Komunës, rruga e UÇK-së deri te udhëkryqi me rrugën “Migjeni”.
  Gjithashtu edhe  sheshi “Ibrahim Rugova” deri te sheshi Skënderbeu do të jetë i bllokuar nga ora 08:00 deri në largimin e personalitetit.


• Në rajonin e Ferizajt, rruga Bibaj - Dardani dhe anasjelltas do të jet e ndaluar për qarkullim nga ora 11:00 deri 16:00, të datës 17.08.2016, përderisa zyrtarë policor janë paraparë të orientojnë qarkullimin në rrugën alternative; Gjilan-Kllokot –Viti – Gerlic - Ferizaj dhe anasjelltas, një njësi policore do të vendoset në udhëkryqin e Kllokotit dhe do i orienton/udhëzon qytetaret të cilët destinacion e kanë Ferizajn.


• Rrugët tjera do jenë nën menaxhim dhe mbikëqyrje të zyrtarëve policor në mënyrë që të lehtësohet zhvillimi i rrjedhshëm i komunikacionit duke përfshirë edhe levizjen e delegacioneve të ndryshme.