Marrëveshja e mineraleve po përparon, por ende nuk është gati, thotë Ukraina

Ministri ukrainas i Financave, Serhii Marchenko, thotë se Kievi dhe Uashingtoni kanë bërë përparim në marrëveshjen e shumëpritur të mineraleve, por ajo nuk do të finalizohet këtë javë, raporton BBC, transmeton Klan Kosova. Propozimi mendohet të jetë një kuti me para në bashkëpronësi e cila do të merrte 50% të fitimeve nga mineralet kritike të Ukrainës, si dhe nafta dhe gazi. Më pas paratë do të investoheshin në rimëkëmbjen e vendit. Memorandumi i fundit mbi marrëveshjen thotë se ShBA dhe Ukraina "synojnë të krijojnë një fond investimi rindërtimi si pjesë e një partneriteti ekonomik midis dy popujve dhe qeverive". Ai nuk përfshin premtimin e një garancie sigurie nga ShBA-ja, diçka për të cilën Zelensky është shtyrë fort gjatë negociatave. Kanë kaluar pothuajse dy muaj që kur Zelensky udhëtoi për herë të parë në ShBA për të finalizuar këtë marrëveshje.