Marko Gjuriq arrin në Kosovë (VIDEO)

Marko Gjuriq, drejtori i të ashtuquajturës Zyra për Kosovën në Qeverinë e Serbisë ka arritur në Kosovë, por këtë herë me leje të ministrisë së Punëve të Jashtme, njofton Klan Kosova. Gjuriq në mesnatë do të marrë pjesë në liturgjinë e Pashkëve në Manastirin e Bansjksës në Zveçan, ndërsa rrugëtimin e tij deri atje është duke e përcjellur Policia e Kosovës së bashku me Karabinierët italianë. Në një konferencë për media ai gjatë ditës ka thënë se nuk frikësohet nga vizita e tij në Kosovë dhe se nuk ndihet i pasigurt, njofton Klan Kosova. Gjuriq do të qëndrojë dy ditë në Kosovë me rastin e festës së Pashkëve Ortodokse. Ai ishte arrestuar më 26 mars në Mitrovicën Veriore, pasi kishte hyrë pa leje në Kosovë. https://www.youtube.com/watch?v=eF06aGN5a4k

klankosova.tv