Mariq: Emërohen anëtarët e rinj të ekipit për formimin e Asociacinit

Ministri serb në Qeverinë e Kosovës, Ljubomir Mariq ka njoftuar sot se  janë  emëruar anëtarët e rinj të ekipit menaxhues për formimin e Asociacionit të Komunave Serbe.

Ai nuk ka zbuluar emrat e anëtarëve të rinj të Ekipit Menaxhues për themelimin e AKS-së.

Në ndërkohë në një   deklaratë për agjencinë e lajmeve Tanjug thuhet se kjo është bërë në përputhje me marrëveshjen e parë të  arritur në Bruksel më 19 prill të vitit 2013, e cila është ratifikuar nga Kuvendi i Kosovës, transmeton Klan Kosova.

Ministria e Administrimit të Pushtetit Lokal e kryesuar nga Mariq,do ta koordinojë këtë proces dhe rregullisht do ta informojë publikun për të gjitha aktivitetet, thuhet në deklaratë.

Poashtu, bëhet e ditur se kjo  ministri do të koordinojë në përputhje me marrëveshjet e arritura në Bruksel dhe pas një sërë konsultimesh me të gjitha palët e interesuara në nivel lokal dhe qendror, me mbështetjen e plotë të faktorit ndërkombëtar, duke përfshirë edhe misionin e OSBE-së dhe përfaqësues të Bashkimit Evropian, transmeton Klan Kosova.