Margot Robbie shkëlqen në premierën e "Once Upon a Time in Hollywood"

Margot Robbie dukej mrekullueshëm në premierën e “Once Upon a Time in Hollywood”. E nominuara për çmimin Oscar, që e luan rolin e Sharon Tate në filmin e fundit të Quentin Tarantinos, e kishte veshur një fustan ngjyrë portokalli nga Oscar de la Renta që kushton 5990 dollarë. Robbie kishte zgjedhur edhe aksesorët, madje edhe grimin, me ngjyrë të njëjtë, transmeton Klan Kosova. Aktorja kishte zgjedhur çantën Edie Parker “Hardbody” (1495 dollarë), sandalet Tabitha Simmons “Eve” (595 dollarë) dhe vathë me perla nga marka Chanel. Aktorja e luan rolin e Sharon Tate e cila është vrarë në vitin 1969 nga anëtarët e familjes Manson.