Maqedoni e Veriut: 13 viktima dhe 129 raste të reja me COVID-19

Gjatë 24 orëve të fundit në Maqedoninë e Veriut janë kryer 854 teste të dyshuara për COVID-19 dhe prej tyre 129 kanë rezultuar pozitivë. Po ashtu në 24 orët e fundit janë regjistruar edhe 13 viktima për shkak të virusit vdekjeprurës. Instituti i Shëndetit Publik në Maqedoninë e Veriut njofton se janë shëruar 342 pacientë. Deri më tani në Maqedoninë e Veriut që nga fillimi i pandemisë janë infektuar 99 mijë e 408 persona, ku 89 mijë e 742 persona janë shëruar dhe 3 mijë e 76 pacientë kanë humbur jetën. Teksa aktualisht numri i rasteve aktive është 6 mijë e 590./Alsat