“Manikyr me mikroçipa”, thonjtë kthehen në karta biznesi

Salloni “Lanour Beauty Lounge” në Dubai po ofron mikroçipa të vegjël për thonjtë e klientëve. Këtyre çipave mund t’u barten informacione që i lejon ata të përdoren si karta biznesi dixhitale. "Ne instalojmë informacionin që ju dëshironi, si emrin tuaj, numrin tuaj të telefonit, llogaritë tuaja të mediave sociale dhe faqen e internetit gjithashtu," i tha CNN-it, themeluesja e sallonit, Nour Makarem, përcjell Klankosova.tv Makarem filloi të ofrojë "thonj të zgjuar" pas goditjes së pandemisë. "Sfida e vetme ishte se si ta bëjmë atë aq të vogël sa të futet në një thua," tha ajo. “Lanour Beauty Lounge” thotë se ka përfunduar më shumë se 500 manikyr me mikroçip. Makarem shpreson që mikroçipi i thonjve do të ketë përdorime të tjera në të ardhmen, nga menytë dixhitale të restorantit për kamerierë, e deri te pagesa pa kontakt.