Manastiret e Luginës së Drinos në hartën botërore të monumenteve për 2025

Manastiret e Luginës së Drinos në Shqipëri, janë përzgjedhur për World Monuments Watch 2025, hartë botërore e monumenteve. Në një reagim të ambasadës amerikane atje, thuhet se përzgjedhja është bërë nga 200 nominime si një nga 25 vendet që përballen me sfidat e trashëgimisë kulturore, transmeton klankosova.tv. ''Urime, Shqipëri ! Manastiret e Luginës së Drinos janë përzgjedhur për World Monuments Watch 2025, të zgjedhur nga 200 nominime si një nga 25 vendet që përballen me sfidat e trashëgimisë kulturore. Kjo njohje nxjerr në pah rëndësinë globale të trashëgimisë kulturore të Shqipërisë. Ambasada e SHBA-së është krenare që i mbështet këto manastire të lashta përmes Fondit të Ambasadorëve për Ruajtjen e Kulturës, duke ndihmuar në mbrojtjen dhe rigjallërimin e tyre për brezat e ardhshëm dhe komunitetet lokale'', thuhet në postimin e ambasadës së SHBA.