Lajmet e fundit
Rruga prej Malishevës për Banjë vazhdon të mbetët e bllokuar për vetura, pas reshjeve të dendura që kanë rënë gjatë ditës së kaluar.
Në këtë pjesë të rrugës mund të kalohet vetëm me kamion, njofton Klan Kosova.
Në lidhje me dëmet dhe vërshimet e shkaktuara në Malishevë, në lidhje telefonike për Info Magazine kishte folur Kryetari i Malishevës Ragip Begaj, i cili tha mbrëmë se dëmet janë të mëdha në komunën e tyre.
”Malisheva është me ujëra si asnjëherë më parë, ka sasi të madhe të ujit, të gjithë kemi qenë në gjendje gatishmërie gjatë ditës, të gjithë kanë qenë në vendin e detyrës”
“Ka pasur edhe probleme për nxënësit, ka qenë rruga e mbyllur për Rahovec e gjatë gjithë ditëve rruga ka qenë e mbyllur.”
”Dëmet materiale janë të mëdha dhe asgjë s’mund të mbulojë vet Malisheva, ka dëme në shtëpi, lokale etj”
”Gjendja ende është pothuajse në nivel të tillë, por problemi me i madh ka qenë evakuimi i nxënësve por pasoja nuk ka në njerëz e ky është lajmi më i rëndësishëm”.
”Ka familje të dëmtuara nuk ka të konfirmuar nëse ka mbetur dikush pa shtëpi apo jo”
”Ndihmë nuk kemi kërkuar, janë lajmëruar qendra e Prizrenit dhe drejtorët e emergjencave ngase ishim të përgatitur dhe besoj që do ta kalojmë pa pasoja.”
