Malisheva e largon Prishtinën nga zona 'evropiane', e afron te ajo për mbijetesë (VIDEO)

Ka mjaftuar një gol i realizuar që në fillim të ndeshjes ndaj Prishtinës, për t'i arkëtuar 3 pikë Malisheva. Donat Vitija arriti ta dërgojë topin në rrjeten kundërshtare, kur kaloi veç një minut e 9 sekonda lojë në stadiumin "Liman Gegaj", raporton Klankosova.tv. Anise në vazhdim nuk munguan rastet nga të dyja skuadrat, më nuk ndryshoi rezultati. Kjo humbje e largon ekipin kryeqytetas nga zona e tabelës që siguron pjesmarrjen në garat evropiane, për edicionin e ardhshëm. Malisheva me 44 pikë të grumbulluara pas triumfit të sotëm, barazohet me Ballkanin e vendit të dytë, por që këta të fundit e kanë një ndeshje për ta zhvillur nesër, në derbin e qytetit ndaj Suharekës. "Plisat" nga ana tjetër ngelën në kuotën e 35 pikëve, duke u zhytur edhe më thellë në luftën për mbijetesë në Albi Mall Superligë, njofton Klankosova.tv. Aktualisht, ekipi që gjendet në pozitën e nëntë, e cila e largon nga elita futbollistike, është Llapi me 30 pikë, teksa Dukagjini e Suhareka kanë nga 32 sosh. Kurse njejtë me Prishtinën, janë Ferizaj dhe Gjilani. [caption id="attachment_2543043" align="alignnone" width="2000"] Elita futbollistike e Kosovës transmetohet ekskluzivisht në ArtMotion dhe KlanKosova[/caption] https://www.youtube.com/watch?v=TUReqC5omCI