Magjia e "Sunny Hill": Dugi e Dua sjellin “Erën” botërore në Kosovë (VIDEO)

Dielli nis të fshehët pas kodrës, e publiku të mbush fushën e festivalit. “Sunny Hill” shndërroi tokën nën qiellin e hapur në Bërnicë, në epiqendër të muzikës botërore, raporton Klan Kosova. Jehona e tingujve muzikorë shkoi lart natën e parë, e për to u bënë bashkë mijëra njerëz nga Kosova e bota, e një ishte arsyeja: Dua Lipa që po i priste prapa skenës. Që para fillimit, publiku ishte i mbushur me emocione dhe pritje. Skena madhështore dhe dritat e saj shndrisnin vendin. Energjia ndihej në ajër shumë përpara akordit të parë. Pritja e fansave shpërtheu me superyllin turk Edis, që ndezi skenën me këngë e vallëzim. Kur yjet natën pushtuan qiellin, krejt këta i la në hije një i tillë në tokë, që zbarkoi në skenë. Emri kryesor i krejt festivalit, Dua Lipa, u shfaq me një shou dyorësh, drita magjike dhe skenografi mbresëlënëse. Ajo zbriti nga skena për të përshëndetur fansat dhe kulmoi emocionin duke kënduar shqip me të atin, Dukagjin Lipa. Magjia e “Sunny Hill” vjen edhe nga ata që e bëjnë të mundur siç është Klan Kosova që sjell çdo çast, ArtMotion me cilësinë e transmetimit, e Prince Caffe me aromën e natës dhe Comodita për rehatinë në mes të adrenalinës. https://www.youtube.com/watch?v=dgKgBiF7Id0