Magjia basketbollistike e mbrëmjes direkt nga "Karagaçi" në Artmotion

Peja dhe Trepça sonte ballafaqohen mes vete në një 'parafinale' kampionale. Të dyja skuadrat po luftojnë për pozicion të favorshëm, para përballjeve të fazës Play-Off, njofton Klankosova.tv. Vetëm fitorja ia ruan pejanëve pozitën e katërt në ProCredit Superligë, kurse mysafirëve nga Mitrovica u duhet triumfi sonte, që të mbeten në garë për vendin e parë, të cilin aktualisht e ka Bashkimi. [caption id="attachment_2542153" align="alignnone" width="670"] Renditja tanelare në ProCredit Superligë[/caption] Kujtojmë që dy pozitat e para të renditjes tabelare, kualifikohen direkt në gjysmëfinale, kurse nga vendi i tretë deri te i gjashti, matin forcat në çerekfinale. Ajo skuadër e cila e përfundon sezonin e rregullt si e treta, përballet me atë që mbetet në pozitën e gjashtë, kurse vendi i katërt ndeshet me të pestin, raporton Klankosova.tv. Ekipi i renditur më lartë, e ka përparësinë e terenit vendas, kurse në gjysmëfinale kualifikohet kush i arrinë dy fitore (2-0 ose 2-1). Vendi i parë e pret fituesin e duelit ndërmjet pozitës 4 e 5, kurse vendi i dytë luan me atë që triumfon ndërmjet 3 dhe 6. Klasikja ndërmjet Pejës dhe Trepçës fillon në orën 19:00 dhe transmetohet drejtpërdrejt në kanalin Sport 2 të platformës ArtMotion! [caption id="attachment_2541457" align="alignnone" width="2000"] Elita basketbollistike e Kosovës, transmetohet ekskluzivisht në ArtMotion dhe Kujtesa![/caption]