Macron pranon dorëheqjen e presidentes së Luvrit

Presidentja e Luvrit, Laurence des Cars, i paraqiti dorëheqjen e saj Emmanuel Macron, i cili e pranoi atë të martën, më 24 shkurt. Në një deklaratë, Pallati Elize deklaroi se Presidenti i Republikës mirëpriti "një akt përgjegjësie, në një kohë kur muzeu më i madh në botë ka nevojë për qetësi dhe një shtysë të re të fortë për të realizuar projekte të mëdha sigurie dhe modernizimi”, transmeton Klankosova.tv Emmanuel Macron "e falënderoi atë për punën dhe angazhimin e saj në vitet e fundit dhe, duke u mbështetur në ekspertizën e saj të pamohueshme shkencore, dëshiroi t'i besonte asaj një mision brenda kuadrit të presidencës franceze të G7-ës mbi bashkëpunimin midis muzeve kryesore të vendeve përkatëse ", vazhdoi Elizeja. Pas grabitjes së Luvrit më 19 tetor, Rachida Dati, Ministre e Kulturës, refuzoi dorëheqjen e Laurence des Cars, por urdhëroi një hetim administrativ, i cili zbuloi mangësi të konsiderueshme në siguri, duke e detyruar muzeun të merrte masa emergjente sigurie. /Klankosova.tv