Lumenjtë po thahen në Gjermani, preket transporti detar

Nivelet e ujit në lumenjtë në Gjermani janë jashtëzakonisht të ulëta. Sipas Shërbimit Meteorologjik Gjerman (DWD), kjo pranverë është më e thata që nga fillimi i matjeve. Pasojat e thatësirës po bëhen gjithnjë e më të dukshme, shkruan Bild, transmeton Klankosova.tv Niveli i ujit në lumin Rain është në nivelin më të ulët në më shumë se 100 vjet. “Nivelet e ujit në Kaub janë matur që nga viti 1856, dhe nuk kemi pasur nivele uji kaq të ulëta që nga viti 1921”, tha për BILD Florian Krekel nga Zyra e Rrugëve Ujore dhe Transportit Detar. Elba dhe Danubi gjithashtu kanë shumë pak ujë, duke bërë kështu që transporti detar po preket gjithnjë e më shumë nga nivelet e ulëta të ujit. / Klankosova.tv