Sukseset e këngës “Si ai” të Taynas nuk kanë të ndalur që nga momenti i publikimit.
Projekti i artistes ka kaluar prej kohësh kufijtë e Kosovës dhe tani ka arritur edhe në Itali. Këtë herë, skuadra italiane Inter ka publikuar në faqen e saj zyrtare në Instagram një klip, në prapavijën e të cilit dëgjohet kënga e Taynas.
“Si ai” shoqëron njërin prej momenteve kur lojtarët e Interit ndodhen në fushë, transmeton Klankosova.tv.
“Epike”, ka qenë mbishkrimi që ka vendosur klubi italian në videon e publikuar.
Kënga e Taynas është bërë shumë e njohur dhe është përdorur në masë të madhe edhe nga përdorues të shteteve të huaja në videot e tyre në rrjetet sociale. /Klankosova.tv
●●●
LGSHKRIMI NGA
L. Ga.
Editorial nga Klan Kosova — ndjek sport dhe zhvillimet e tjera kryesore të vendit.
