Loja e dyfishtë e Serbisë

Deputetja e Lidhjes Demokratike të Kosovës, Vjosa Osmani, ka thënë në Info Magazine të Klan Kosovës se dështimi për pranimin e Kosovës në UNESCO është një dështim kolektiv. Ajo tha se shteti serb në njëfarë forme po bënë lojë të dyfishtë, sepse nuk mundet që në të njëjtën kohë të kërkojë  mirë-jetesën e serbëve në Kosovë dhe më pas të pengojë zhvillimet që qojnë në atë drejtim. “Dëshpërimi është kolektiv sepse po flasim për aspiratën e shtetit tonë për t’u anëtarësuar në një organizatë të Kombeve të Bashkuara. Nga dy anëtarësimet e para që i ishim pas pavarësisë në FMN dhe Bankën Botërore, Kosova ka bërë shumë pak në anëtarësime tjera. “Fushata e Serbisë ishte shumë agresive në UNESCO. Nuk mundet Serbia të thotë që komuniteti serb të mbrohet dhe të jetojë mirë në Kosovë në anën tjetër të bllokojë anëtarësimin e Kosovës në mekanizma prej të cilave përfitojnë të gjithë komunitetet në Kosovë”, tha Osmani, e cila shtoi se “sfidat e radhës siç mund të jenë si anëtarësimi në Këshillin e Evropës dhe Organizatën Botërore do të jenë shumë më të vështira”.

klankosova.tv