Lajmet e fundit
Donald Trump pret rezultatet me miqtë dhe familjen
Derisa pritet të mbyllen të gjitha vendvotimet e zgjedhjeve të mes mandatit në SHBA, Shtëpia e Bardhë ka lëshuar një deklaratë në të cilën u rikujton popullit amerikan angazhimin e Donald Trump gjatë kësaj periudhe të mandatit presidencial, njofton Klan Kosova. Për më shumë ja deklarata e plotë e Shtëpisë së Bardhë: ”Si President, Donald J. Trump ka zhvilluar 50 tubime të pashembullta – 30 vetëm në dy muajt e fundit – dhe ai ka bërë fushatë për dhjetra kandidatë në të gjitha nivelet e qeverisë. Presidenti ka dhënë energji për një numër të habitshëm amerikanë në arena të mbushura dhe në turmat e mbingarkesës në mitingje në të gjithë vendin. Nën udhëheqjen e Presidentit Trump, Komiteti Kombëtar Republikan ka ngritur më shumë se një çerek miliardë dollarë, duke nxitur një lojë të jashtëzakonshme tokësore që synon sfidimin e historisë së mesme dhe mbrojtjen e shumicave të GOP. Ai ka bërë zgjedhjen e qartë për popullin amerikan: Sonte, ne mund të vazhdojmë rrugën e begatisë dhe sigurisë amerikane ose mund të kthehemi prapa. Presidenti dhe Zonja e Parë dëshirojnë të shohin rezultatet që vijnë me miqtë dhe familjen në rezidencën e Shtëpisë së Bardhë”.
Facebook mbyll 115 llogari për sjellje të dyshuara joautentike
Gjiganti Facebook ka bllokuar 115 llogari në platformat e saj për shkak të dyshimit për sjellje joautentike në prag të zgjedhjeve afatmesme të 2018 ës. Facebook bëri njoftimin në një deklaratë të hënën në mbrëmje, duke thënë se bllokoi 30 llogari në platformën e saj të emrave dhe 85 në Instagram që autoritetet besojnë se janë të lidhura me entitetet e huaja që lidhen për të ndërhyrë në zgjedhjet e mbikqyrura nga afër të SHBA-së, njofton Klan Kosova. Gjiganti i medias sociale tha se zbatimi i ligjit i SHBA shënoi llogaritë të dielën, duke cituar “aktivitetin online që ata zbuluan kohët e fundit dhe që ata besojnë se mund të lidhen me entitetet e huaja”, sipas deklaratës. Facebook, që zotëron Instagram, tha se menjëherë bllokoi llogaritë dhe hapi një hetim të mëtejmë.Cilat janë çështjet më të rëndësishme për votuesit amerikanë?
Zgjedhjet afatmesme në SHBA: Kandidatët që do të hyjnë në histori
Fjala “të parët” me siguri do të përdoret shpesh ditën e zgjedhjeve afatmesme në Amerikë. Më poshtë ju sjellim një listë të kandidatëve që mund të shënojnë historinë në këto zgjedhje. Guvernatorët afro-amerikanë • Në qoftë se fiton, demokratja Stacey Abrams do të shndërrohet në afro-amerikanen e parë guvernatore të Georgia-s, dhe gruan e parë afro-amerikane guvernatore në tërë vendin. • Andrew Gillum në rast të fitores do të shndërrohet në guvernatorin e parë afro-amerikan në Florida. • Maryland gjithashtu mund të bëhet me guvernatorin e parë afro-amerikan, në qoftë se fiton Ben Jealous. Guvernatorët nga komuniteti LGBT • Demokrati Jared Polis do të jetë homoseksuali i parë i zgjedhur si guvernator në qoftë se fiton garën në Colorado. • Demokratja Christine Hallquist veçse ka hyrë në histori si transgjinorja e parë e nominuar për guvernatore. Nëse fiton do të behet guvernatoja e parë transgjinore në tërë vendin. Senati • Arizona do të bëhet me senatoren e parë grua. Në garë janë demokratja Kyrsten Sinema dhe republikanja Martha McSally. • Në Tennesse senatorja republikane, Marsha Blackburn mund të bëhet gruaja e parë senatore nga ky vend nëse fiton garën ndaj demokratit Phil Bredesen. Dhoma e Përfaqësuesve • Demokratja nga Kansas Sharice Davids dhe ajo nga New Mexico Deb Haaland do te shndërrohen në gratë e para amerikane autoktone të zgjedhura në Kongres. • Myslimanët e parë të zgjedhur në Kongres mund të jenë demokratja nga Michigan, Rashida Tlaim dhe demokratja nga Minnesota Ilhan Omar. • Demokratja Alexandria Ocasio-Cortez, pritet të shndërrohet në anëtaren më të re të Kongresit, në moshën 29 vjeçare.
Pse votuesit e rinj përbëjnë ndryshimin në zgjedhjet amerikane?
Zgjedhjet afatmesme tipike në Amerikë zakonisht karakterizohen me dalje të elektoratit më të moshuar dhe të bardhë, si dhe më pak gra krahasuar me zgjedhjet presidenciale. Mirëpo, për shkak të përçmimit të thellë ndaj Trump në mesin e gjeneratave të reja, këto zgjedhje kongresiale duket se janë të ‘mbushura’ me të rinj të cilët janë goditur nga rezultati i zgjedhjeve të 2016’ës dhe jenë të bindur se do te përbënin ndryshimin për Hillary Clinton. Dalja masive e votuesve të kësaj grupmoshe mund të përbëjë ndryshimin në disa gara të ngushta në favor të demokratëve. Një sondazh i realizuar nga Insituti për Politika ne Harvard gjatë kësaj jave, ka treguar se votuesit 18 deri në 29 vjeç kanë më shumë gjasë të dalin në zgjedhjet afatmesme sot se sa në zgjedhjet e 2010’ës dhe 2014’ës.
Pse në Shtetet e Bashkuara gjithnjë votohet në muajin nëntor?
Në vendet e shumta të botës, zgjedhjet zhvillohen gjatë fundjavës dhe në stinë të ndryshme të vitit. Por në Shtetet e Bashkuara të Amerikës gjithçka bëhet ndryshe, transmeton Klan Kosova. Zgjedhjet për president në SHBA mbahen çdo katër vjet ndërsa ato për Kongresin Amerikan, mbahen çdo dy vjet si këto të sotmet – gjithmonë të martën apo një ditë pas të hënës së parë të nëntorit. Kjo traditë ka filluar në vitin 1845. Ndërsa arsyeja është se amerikanët e shekullit të 19-të, shumë prej të cilëve fermerë, ishin tepër të zënë me punët e bujqësisë. Në muajin nëntor, puna në fusha lehtësohej pak, sepse prodhimi ishte korrur para se të fillonin ngricat. Meqenëse të dielat rezervoheshin për vizitat nëpër kisha, si ditë më e përshtatshme mbetej e marta sepse shumë njerëzve u duhej një ditë për të shkuar në qendrat e votimit me kalë apo me karrocë. Ndërsa ditën e mërkurë fermerëve u duhej të shkonin në treg për të shitur prodhimin.
