11:23 - Si po shkon qortimi në Bërnjak? (VIDEO)
Policia kufitare në Bërnjak ia ka konfirmuar Klan Kosovës që çdo veturë e cila kalon me targa ilegale i jepet fletëqortimi, përjashtim bëjnë rastet që atë fletëqortim e ka marrë më herët.
Gazetari i Klan Kosovës, Drin Demiri i cili po qëndron tek pika kufitare në Bërnjak, ka bërë të ditur se jo shumë vetura me targa KM kanë kaluar në këtë pikë kufitare.
09:45 - Policia në veri mban mbledhje për masën e qortimit, thotë zyrtari policor (VIDEO)
Një zyrtar policor në veri të vendit ka thënë se policia atje është duke mbajtur mbledhje sa i përketë zbatimit të masës së qortimit për të gjitha ato veturat të cilat bartin targa ilegale.
Këtë e ka bërë të ditur gazetari i Klan Kosovës, Drin Demiri i cili po qëndron në veri.
Tutje, ai tha se pos kësaj informate, zyrtari policor nuk ka dhënë më shumë detaje në lidhje me këtë mbledhje.
09:05 - Policit në Mitrovicë të Veriut s'i bëjnë përshtypje veturat me targa ilegale (VIDEO)
Masa e "qortimit" për ata që drejtonin vetura me targa ilegale hyri në fuqi në mesnatë, por si duket një polici në Mitrovicën e Veriut, nuk i bënte përshtypje kjo.
Në sheshin "Car Lazari" në këtë komunë, veturat me targa ilegale qarkullonin lirshëm, pa "qortime", teksa polici nuk merrej fare me këtë çështje.
08:43 - Jepet qortimi i parë në Jarinjë
Në mesnatë ka hyrë në fuqi vendimi i Qeverisë së Kosovës për zbatimin e vendimit për targat.
Policia e Kosovës ka dhënë qortimin e parë për riregjistrimin të veturave në RKS.
Qortimi iu dha një gruaje në pikën kufitare në Jarinjë,shkruan Kosovo-Online përcjell Klankosova.tv
Ajo tha se nuk njëherë nuk do t'i konvertojë targat në RKS por se do të shoh se si do të shkojnë gjërat.
08:42 - Veturat me targa KM po lëvizin lirshëm edhe në Zveçan (FOTO)
Sot kanë hyrë në fuqi masat e reja për targat, ndër to edhe masa e qortimit për ata që bartin targat KM në vend të atyre RKS.
Por, duket se kjo masë nuk po zbatohet në Zveçan, pasiqë veturat me targa KM po lëvizin lirshëm atje, përcjell Klankosova.tv.
Kujtojmë se kjo masë do të vazhdojë deri më 23 nëntor, e pastaj do të vazhdohet me masën e gjobitjes. Nga 21 janari, mandej do të bëhet edhe konfiskimi i veturave që nuk janë me RKS.
Më poshtë mund t'i shihni pamjet e Klan Kosovës të veturave me targa KM:
08:33 - As në Zubin Potok, s'po "qortohen" drejtuesit e veturave me targa ilegale (VIDEO)
Edhe pse masa e qortimit për ata që drejtojnë vetura me targa ilegale, hyri në fuqi qysh në mesnatë, në Zubin Potok nuk po zbatohet kjo masë.
Gazetari Drin Demiri, ka raportuar nga Zubin Potoku se as në këtë komunë nuk po ndalen veturat me targa ilegale, njofton Klankosova.tv
Një patrullë policore me dy zyrtarë serbë që ndodhej në këtë zonë, sipas raportimit të gazetarit, nuk i ndalte veturat me targat KM. Arsyetimi i zyrtarëve ishte se nuk ndodheshin aty për këtë çështje.
07:25 - Titujt tendenciozë të gazetave serbe për targat (FOTO)
Masa e qortimit për targat ilegale hyri në fuqi në mesnatë, ndërkaq në mëngjes gazetat serbe u mbushën me tituj tendenciozë.
“Terrori i Kurtit: Kush nuk i do targat RKS, duhet të shpërngulet”, “Gati përgjigjja për Kurtin: Do t’i aktivizojmë çnjohjet nëse i afrohen KiE-së”, ishin disa nga titujt e gazetave të sotme serbe, njofton Klankosova.tv.
Këto gazeta u panë në Mitrovicën e Veriut.
07:20 - Gjatë gjithë natës në Koshtovë nuk u hasën vetura me targa ilegale
Në fshatin Koshtovë të Mitrovicës, nuk është hasur ndonjë veturë me targa ilegale të ketë kaluar andej.
Kjo është bërë e ditur për Klan Kosovën, nga patrulla e policisë që ka qëndruar atje gjatë gjithë natës, njofton Klankosova.tv
07:20 - Masa e qortimit hyn në fuqi, por në veri vazhdojnë të qarkullojnë veturat me “KM” (VIDEO)
Mesnatën e 1 nëntorit ka hyrë në fuqi masa e qortimit për ata që bartin targat KM në vend të atyre RKS.
Në një lidhje direkte nga atje, gazetari Flamur Gajtani, raportoi se edhe pas hyrjes në fuqi të kësaj mase, veturat në Mitrovicën e Veriut, vazhdojnë të qarkullojnë me targa KM.
Te sheshi "Car Cazar", ku po qëndronte gazetari, u pa edhe një polic, i cili nuk është se i qortonte ngasësit e këtyre automjeteve.
Policët kufitarë edhe mbrëmë pas hyrjes në fuqi të masës së qortimit, ka pasur vetura me KM të cilat nuk kanë marrë qortime, përcjell Klankosova.tv
Kujtojmë se kjo masë do të vazhdojë deri më 21 nëntor, e pastaj do të vazhdohet me masën e gjobitjes.
