13.02.2026 · përditësuar para 122 dite10 min lexim
Publiku vendos: Labinot Rexha largohet nga Big Brother VIP Kosova 4!
Pas daljes së tij, është hapur televotimi për finalistin e dytë nga grupi i Londrimit, që u caktua para një jave.
Pas Ludos, prime-in e radhës zbulohet emri i banorit që e prekë finalen e madhe.
Se kush e meriton, e vendsoni JU!
Votoni, votoni, votoni!
https://youtu.be/0dgKdiPHP4k?si=TKkKwN6q8f1H_rxp
https://youtu.be/fGzPFcINYAU?si=1W-3ooraDBcVA4BJ
01:00 - Mbyllet televotimi për Labin, a duhet të largohet apo të qëndrojë në shtëpi?
Është mbyllur televotimi për Labin, i cili përballet me rrezikun për t’u larguar nga shtëpia dhe ndërprerë rrugëtimin e tij në Big Brother VIP Kosova.
Ai ka thyer herë pas here rregullat themelore të formatit, dhe për këtë u ndëshkua nga Vëllai i Madh, transmeton Klankosova.tv.
00:54 - “Treshi përsheshi” në momentet e tyre më të këqija në shtëpi (VIDEO)
Klodi, Elijona dhe Londrimi, të njohur ndryshe si “treshi përsheshi” nuk kanë kaluar dhe aq kohë të mira gjatë këtyre ditëve të fundit.
Përplasjet mes tyre nuk kanë pasur të ndalur, ndërsa kjo situatë e tyre u diskutua në Prime, transmeton Klankosova.tv.
Londrimi tha se për çfarë do që nuk i pëlqen, do të reagojë gjithmonë.
“Gjërat duhet të thuhen ashtu si janë”, tha ai.
Për më shumë, klikoni në videon e mëposhtme:
00:35 - “Dashnori yt”, fjala që përplasi ashpër Aurorën dhe Ludon (VIDEO)
Është prezantuar klipi ku Aurora dhe Ludo janë përplasur ashpër me njëri-tjetrin.
“Dashnori yt”, fjalë këtë që e tha Ludo ndezi debat të nxehtë mes tij dhe Aurorës, transmeton Klankosova.tv.
Për më shumë, ndiqeni videon e mëposhtme:
23:52 - Labi befasohet edhe nga djali i tij, Ibrahimi (VIDEO)
Banorit të shtëpisë më të madhe në vend, Labinot Rexhës i ka ardhur në vizitë edhe djali i tij, Ibrahimi.
Labi u emocionua shumë, përderisa edhe filloi të qajë, transmeton Klankosova.tv.
Ndërkohë, Ibrahimi tha se babai i tij është nën presion, teksa shtoi se nuk dëshiron ta shoh të atin në këtë gjendje.
Për më shumë, klikoni në videon e mëposhtme:
23:48 - Stresi elektrizon skenën e Big Brother VIP Kosova (VIDEO)
Artisti i njohur shqiptar, Stresi, ka performuar sonte në shtëpinë më të madhe në vend.
Ai ka elektrizuar skenën e formatit, dhe ndër të tjera ka promovuar këngën e tij të re, transmeton Klankosova.tv.
Shihni më shumë në videon e mëposhtme:
23:37 - Stresi i vjen në vizitë Labit, banori emocionohet (VIDEO)
Pas rrëfimit të dhimbshëm të Labinot Rexhës, në vizitë i erdhi artisti i njohur, Stresi.
Labi u emocionua shumë nga kjo vizitë, teksa Stresi i dha fjalë inkurajuese banorit, transmeton Klankosova.tv.
Pos tjerash, ai i tha se të gjithë çunat i kanë dërguar të fala Labit.
23:27 - “Lufta, babai, muzika”, Labinot Rexha rrëfen historinë e jetës së tij (VIDEO)
Labinot Rexha ka rrëfyer Linjën e Jetës së tij, duke përshkruar periudhën e lumturisë familjare para vitit 1998, kur lufta i mori të gjitha.
Ai ka thënë se ka qenë një fëmijë i dashur, që nisi të këndojë dhe të luajë me tarabukë që në moshën 5 vjeçare.
Rexha kujton se familja e tij nuk kishte as shporet, as lavatriçe, dhe nëna e tij i lante enët dhe rrobat jashtë.
“Kam qenë një fëmijë i mirë, një djalë të cilin e kanë dashtë krejt. Kam nis me këndu si 5 vjeç, i kam ra tarabukës. Nuk kemi pas as shporet, as lavatriçe, nëna i lante enët dhe rrobat jashtë”, tha Rexha.
Ai ka rrëfyer një ngjarje të tmerrshme, kur serbët rrahën babain e tij në sy të gjithë familjes dhe e mbajtën të burgosur për dy javë.
“S’kam mundur ta njoh sepse ishte fry aq shumë prej maltretimeve, më tha largohu se s’po du shtëpia me m’u mshel, ik. Rahoveci në të gjitha anët ka qenë flakë”, vijoi ai.
Moment edhe më dramatik, siç shpjegoi Labi ishe edhe kur gjyshi i tij e varrosi babin e tij.
“Që në fëmijëri kam shkuar në shkollë private, babi im ka dashtë vetëm muzik, asgjë tjetër. Në vitin 1996 kam zënë vendin e parë, si zëri më i mirë. Albumin e parë kur e kam pa në Zvicër ia kam dërguar babit tim”.
Labinot Rexha falënderoi Stresin për mbështetjen që ia kishte bërë në fillim të karrierës së tij.
“E falënderoj Stresin, Arkimed Lushaj, ai njeri për mua është familje dhe ëshë vëllai im. Masi ka dal kënga me Stresin kam marrë shumë dasma. Artista të mëdhenj, ata dhe zëri im, mund të them që të jem këtu ku jam”, tha Labinot Rexhaj.
Krejt në fund të rrëfimit, Labi kërkoi falje për ofendimet dhe tha se të gjitha këto i ka bërë vetëm për “ta ngritur” lojën. /Klankosova.tv
23:12 - Qëndron apo largohet, fati i Labit në duart e publikut (VIDEO)
Për shkak të thyerjeve të rregullave themelore të formatit të Big Brother VIP Kosova, Labinot Rexha sonte përballet me rrezikun për t’u eliminuar nga gara për çmimin e madh.
Vëllai i Madh, përmes një kumtimi për banorin, ia ceku një nga një të gjitha rregullat që banori ka thyer, si dhe sjelljet e papërshtatshme që ka bërë ai brenda shtëpisë, transmeton Klankosova.tv.
“Labinot Rexha, gjatë kësaj kohe ke shkelur rëndë dhe në mënyrë të përsëritur rregullat themelore të këtij formati. Ke kaluar çdo kufi. Ke nxitur përçarje me deklaratat lidhur me çështjet fetare duke krijuar ndasi dhe tension të rrezikshëm mes banorëve. Ke përdori informacione nga jashtë, duke i tradhtuar rregullat bazë të këtij formati dhe duke tentuar të deformosh barazinë e garës. Ke ofenduar, ke degraduar dhe ke ushtruar presion të vazhdueshëm ndaj Elijonës dhe Benitës, sjellja jote ka përfshirë agresivitet verbal, përndjekje të pandërprera dhe mallkime. Ke përfshirë në mënyrë të papranueshme familjarët e të tjerëve. Familja është jashtë kësaj loje, ajo nuk preket. Big Brother nuk është arenë frikësimi, nuk është hapësirë për dhunë. Për shkak të shkeljeve të rënda, fati yt nuk do vendoset më nga unë. Gjithçka mbetet në dorën e publikut. Që nga ky moment hapet televotimi për ty. Publiku do të vendos nëse aventura do të vazhdojë apo do të përfundojë”, tha Vëllai i Madh.
23:06 - U zgjodh finalist, Ludo shpërthen në lot: S’di qysh me jau kthy (VIDEO)
Ludo është zgjedhur finalisti i parë i këtij edicioni të Big Brother Vip Kosova 4.
Ai i falënderoi të gjithë ata që e votuan nga zemra, derisa nuk i mbajti lotët e gëzimit.
“Ju falënderoj nga zemra, jam shumë i prektë. S’di qysh me jau kthy, ju falënderoj nga zemra”, tha Ludo.
Ndiqeni videon për më shumë detaje:
23:01 - Zbulohet finalisti i parë i edicionit të katërt të BBVK
Është zbuluar emri i finalistit të parë të edicionit të katërt të Big Brother VIP Kosova, raporton Klankosova.tv.
Publiku ka vendosur që finalisti i parë i Big Brother VIP Kosova 4 është Ludo.
22:35 - Votoi kush votoi, mbyllet televotimi për finalistin e parë (VIDEO)
Është mbyllur televotimi për finalistin e parë të Big Brother VIP Kosova 4.
Kështu u bë e ditur nga prezantuesi i këtij formati, Alaudin Hamiti, transmeton Klankosova.tv.
Pos tjerash, ai tha se shumë shpejt, do të zbulohet edhe emri i finalistit të parë.
22:23 - Londrimi: S’ka fjalë shqipe që e përshkruan ligësinë e Labinot Rexhës (VIDEO)
Banori i shtëpisë më të madhe në vend, Londrimi, është treguar i rreptë me Labin.
Ai e ka quajtur njeri të ligë, të tmerrshëm dhe të pashpirt, lidhur me veprimet e banorit karshi vajzave në shtëpi, sidomos ndaj Elijonës, transmeton Klankosova.tv.
“Është e tepërt. Prej që kam hy këtu e kam shijuar këtë eksperiencë në maksimum, por për çka jam pishman, jam që ia kam jep një shans të dytë këtij presoni të ligë, i cili ka rrejt që kinse po ndihet keq, kinse i ka ra pishman për çka ka bë, dhe në vend që me reflektu e ka paraqitur ‘fake’, sepse ti je njeri i pashpirt. Nuk ka fjalë në fjalorin e gjuhës shqipe që e përshkruan ligësinë e Labinot Rexhës, dhe ndjej marre për të se çfarë ka nxjerr prej gojës së tij. Është i tmerrshëm. Mendoj se një person i tillë nuk duhet të tolerohet”, tha Londrimi.
22:11 - Leonora – Benites: Kjo javë ka qenë e jotja! (VIDEO)
Opinionistja Leonora Jakupi i tha Benitës se këtë javë e ka bërë lojën më të mirë që nga hyrja në Big Brother.
Derisa, Labit ia bëri me dije se është në panik, andaj ulërit.
“Me këto ulërimat që ka bë Labi po shihet që është në panik. Benita rri pa gajle se nëmët e Labit nuk të zënë ty.
“Benita kjo javë ka qenë pikërisht java jote, të dua ashtu atë Benitën lozonjare, qe me delikatesë e merr atë pasqyrë dhe ia thu çka ke për t’ia thanë”, vijoi Leonora.
Ndiqeni videon për më shumë:
22:05 - Benita s’kursen Labin: Ti nuk je burrë, je burrec (VIDEO)
Është prezantuar materiali i përplasjes mes Benitës dhe Labit, ku ky i fundit ofendoi rëndë banoren, duke i thënë se ka arritur në jetë përmes ‘sponsorave’.
Lidhur me këtë, në Prime ka reaguar sërish Benita, transmeton Klankosova.tv.
“Ti as burrë nuk je, ti je burrec”, u shpreh ajo.
Për më shumë, ndiqeni videon e mëposhtme:
21:56 - “Shpifës, gënjeshtar e mashtrues ordiner”, opinionistet ‘godasin’ Labin (VIDEO)
Opinionistja e BBVK 4, Olta Gixhari ka qenë e ashpër ndaj Labit lidhur me fjalët e tij ndaj Elijonës, ku banoren e preku në familje.
Gjatë Prime-it, Olta e quajti të pashpirtë konkurrentin, transmeton Klankosova.tv.
“Të ta marri Elijona shpirtin, ku ta gjesh ti. Unë vetëm një fjalë kam për ty, ti përfundimisht je njeri i pashpirt”, u shpreh Olta.
Hiç më e butë s’u tregua as Leonora Jakupi.
“Pas dy muajve Labi e kuptoj që ti je ky i vërteti. Ai shpifësi, ai gënjeshtari, ai mashtruesi ordiner”, tha ajo.
21:49 - Labi shokon me deklaratë për babain e Elijones: Po mbron një kriminel! (VIDEO)
Labi ka bërë një deklaratë të fortë dhe shokuese për babain e Elijonës, duke thënë se ajo po mbron një kriminel.
“E para nëse jam te kufijtë e mi, unë duhet me i mbrojtë kufijtë e mi. Kjo mua më çon prej gjumit, “s’kam me të lanë me flejt”, edhe kjo mu më thotë “s’ki me flejt”. Vetëm zoti merr shpirtin.
“Nëse do me fol le të na thotë ky Dini shkojmë atje, ti luan vet. Më vjen shumë keq, e nderume. Me historinë tënde kanë qajtë të gjithë shqiptarët, më vjen shumë keq. Është e vërteta, që kjo po e mbron një kriminel”, tha Labi.
Ndiqeni videon për më shumë detaje:
21:44 - E preku në familje, Elijona e ashpër me Labin: Njeri i ligë (VIDEO)
Pas prezantimit të klipit të përballjes mes Elijonës dhe Labit, ku ky i fundit e prek në familje, banorja pati reagim të fortë gjatë Prime-it.
Ajo tha se ndjen keqardhje për Labin, transmeton Klankosova.tv.
“Thjesht nuk po mundem më. Që dy muaj e gjysmë jam duke e mbrojtur familjen time, veten, identitetin e nënës po ashtu edhe babanë tim. Boll më. Se unë këtu kam ardh për vete, unë përballna me Labin sa të doni, ky është zero. Çka din me bë ai është me të prek në plagë që ende nuk janë shëruar, pse, sepse është njeri i ligë”, u shpreh Elijona.
21:23 - Elijona i bën të qartë Benitës: Nuk do të ishim shoqe jashtë (VIDEO)
Elijona ia ka bërë të qartë Benitës se nuk do të mund të ishte shoqe me të jashtë.
Ajo nënvizoi se Benita është vajzë e mirë, por sipas saj “shoqe” është një fjalë e madhe.
“Po bahna real, Benita është çikë e mirë, por nuk mendoj se ishim bo shoqe. Edhe për shkak të gjanave që kanë ndodhur këtu brenda, por jena tipa të ndryshëm e kena jetën të ndryshme. Me pas raport të mirë po, por shoqe është një fjalë e madhe”, tha Elijona.
Ndiqeni videon për më shumë:
21:16 - Jo veç Olta dhe Leonora, edhe Valdrin Sahiti do të jetë opinionist sonte në Prime (VIDEO)
Sonte në Prime-in e 26-të nuk do të ndajnë opinionet e tyre mbi lojën e banorëve të shtëpisë më të madhe në vend, vetëm Leonora Jakupi dhe Olta Gixhari.
Përballë tyre do të qëndrojë edhe dizajneri i njohur, Valdrin Sahiti, për të cilin ky rol nuk është risi, transmeton Klankosova.tv.
Kanë mbetur vetëm edhe dy javë larg finales së madhe të edicionit të katërt të Big Brother VIP Kosova.
Sonte, në Prime-in e 27-të do të zbulohet finalisti i parë, e një tjetër konkurrent do të largohet përfundimisht nga gara për çmimin e madh, transmeton Klankosova.tv.
Po ashtu Zarfi i Zi përmban një vendim shumë të rëndësishëm për një banor brenda shtëpisë.
Ndër të tjera, njëri nga konkurrentët sonte do të ndajë rrëfimin e jetës.
E nuk do të mungojë as hyrja e një mysafiri special, fituesit të edicionit të parë të këtij formati, Stresi.
Qëndroni para ekraneve tuaja, sepse nga ora 21:00 do keni çfarë për të shikuar!
https://www.youtube.com/watch?v=bukqa-uesTM
●●●
AH
SHKRIMI NGA
Albina Haxholli
Editorial nga Klan Kosova — ndjek big brother vip 4 dhe zhvillimet e tjera kryesore të vendit.
