14:06 - Kroaci – Shqipëri, këto janë formacionet
Tashmë kanë dalë formacionet zyrtare të ndeshjes midis Kroacisë dhe Shqipërisë e cila nis nga ora 15:00.
Kryetrajneri i Kuqezijve, Sylvinho, ka vendosur t’i bëjë dy ndryshime, duke startuar me Laçin dhe Rey Manajn.
14:00 - Atmosferë e flaktë në Hamburg, shqiptarë e kroatë ia thonë së bashku këngës “Xhamadani” (VIDEO)
Shqiptarët gjithandej janë duke e pritur me padurim ndeshjen e sotme që do të zhvillohet mes Kombëtares së Shqipërisë me Kroacinë.
E një numër i madh i tifozëve shqiptar kanë shkuar në Hamburg të Gjermanisë për të përcjellë ndeshjen e sotme.
Një video të cilën e ka siguruar Klan Kosova shihet një numër i tifozëve duke ecur rrugëve të Hamburgut me ata kroatë, e duke kënduar këngën “Xhamadani”. /Klankosova.tv
https://klankosova.tv/tifozet-kroate-e-mbulojne-veturen-e-tyre-me-flamujt-kuq-e-zi-video/
https://www.youtube.com/watch?v=Gmi0aZIw-5w
13:57 - Kqiku tregon hapat e parë në futboll të Dakut: Jemi rritur bashkë, jam krenar me arritjet e tij (VIDEO)
Edison Kqiku, miku më i afërt i Mirlind Dakut nga Gjilani, i cili është pjesë e Kombëtares së Shqipërisë, ka treguar hapat e parë të mikut të tij në futboll.
Ai në Klan Kosova është shprehur se është krenar me mikun e tij me arritjet që i ka tani.
“Jemi rritur bashkë që nga fëmijëria, jemi marrë me futboll. Së pari e filluam me një ekip të Gjilanit. Më pas unë shkova tek ekipi i Hajvalisë për të luajtur, ndonëse Mirlindi pauzoi për një muaj, e ftova unë të vijë, dhe erdhi në një farë forme si për hatër. Por që prej atëherë erdhi dhe tani ja ku është, është në Evropian”, ka thënë Kqiku. /Klankosova.tv
https://www.youtube.com/watch?v=DS5J3yyNvt0
13:38 - Kuqezinjtë arrijnë në stadium për ndeshjen me Kroacinë
Shqipëria ndeshet me Kroacinë sot në kuadër të xhiros së dytë të Euro 2024-shit.
Të dyja kombëtaret shpresojnë në tri pikë pas humbjeve në rundin e parë nga Italia, respektivisht Spanja.
Tashmë lojtarët e Shqipërisë kanë arritur në stadium, ku më pak se një orë e gjysmë na ndajnë nga ky takim.
Klan Kosova do ta emetojë këë përballje direkt nga ora 15:00.
13:34 - Sylvinho para ndeshjes me Kroacinë: Kemi lojtarë shumë të mirë, por nuk është lehtë në EURO
Trajneri i Shqipërisë, Sylvinho, ka thënë që Shqipëria ka lojtarë shumë të mirë porse nuk e kanë fare lehtë në një garë si Kampionati Evropian 2024.
“I kam parë ekipet tjera në këtë turne. Nëse tentoni të shkoni dhëmb-për-dhëmb me ta, ata do t’jua shënojnë nga pesë ose gjashtë gola”, ka thënë Sylvinho.
“Është vetëm hera e dytë e jona në Euro. Ne kemi lojtarë të rinj, lojtarë shumë të mirë, por nuk është e lehtë”.
13:19 - Mbaron Evropiani për Vlashiqin e Kroacisë
Mesfushori Nikola Vlashiq nuk do të luajë më asnjë ndeshje në EURO 24.
Lojtari kroat mësohet se ka pësuar një lëndim në muskul.
Kësisoj, pas një skanimi që ia ka bërë pjesës së lënduar, 26-vjeçari ka njoftuar se do të niset për shtëpi, shkruan BBC-ja.
Ai kishte qëndruar në bankën rezervë në ndeshjen e parë të cilën Kroacia e humbi nga Spanja, 3:0, dhe nuk do të jetë pjesë e kombëtares as në përballjen e sotme kundër Shqipërisë.
