Lirohet Azem Syla, përsëri

Azem Syla është liruar, pasi gjyqtarja e procedurës paraprake Jennifer Seal, ka vendosur ta refuzojë kërkesën e prokurorit të EULEX-it për paraburgimin e ish-deputeti të Partisë Demokratike të Kosovës. Lajmin për lirimin e Sylës e ka konfirmuar avokati i tij, Tomë Gashi. Gashi edhe të premten si mysafir në Info Magazine të Klan Kosovës tha se nuk ka arsye për mbajtjen e Sylës në paraburgim dhe se arrestimi i tij u bë më shumë për t’i dërguar sinjale Brukselit. Syla akuzohet se ka qenë udhëheqës i një rrejti kriminal që kanë bërë shpëlarjen e milionave eurove në periudhën e pas luftës në Kosovë. Më parë Syla ka qenë një nga udhëheqësit e Ushtrisë Çlirimtare të Kosovës.

klankosova.tv