Lirohen tarifat kufitare 50 për qind për bashkatdhetarët

Banka Qendrore e Kosovës, ka marrë vendimin për uljen e tarifave të sigurimit kufitar të autopërgjegjësisë.

Ulja do të aplikohet për të gjitha kategoritë e mjeteve motorike.

Tarifat për autovetura, që kryesisht kanë ndikim te bashkatdhetarët që jetojnë në diasporë, do të kenë  zbritje prej 50% për policat e sigurimit kufitar me kohëzgjatje prej 15 ditëve, e cila tani do të kushtojë 15 euro, njofton Klan Kosova.

Zbritje prej 51% për policat e sigurimit kufitar me kohëzgjatje prej një muaj, e cila tani do të kushtojë 20 euro dhe Zbritje prej 49 % për policat e sigurimit kufitar me kohëzgjatje prej dy muaj, e cila tani do të kushtojë 35 euro.

BQK njofton se aplikimi i këtyre tarifave hyn në fuqi me datë 1 korrik 2015.

Ky vendim vjen pas kërkesës së bërë nga ana e Kryesuesit të Asamblesë së Përgjithshme të Byrosë Kosovare të Sigurimit, Rrahim Pacollit.