Lirohen edhe Bashkim Smakaj e Fadil Fazliu

Gjykata Speciale ka liruar nga paraburgimi edhe Bashkim Smakajn dhe Fadil Fazliun, të akuzuar për vepra penale kundër administrimit të drejtësisë. Gjyqtari i vetëm në këtë çështje penale, ka vendosur që Smakajn dhe Fazliun t'i lë të lirë me kusht, pas dorëzanisë që kanë ofruar secili veç e veç. Lajmin e ka bërë të ditur gazetarja e e Klan Kosovës, Rina Mujku. Fazliu kishte ofruar 40 mijë euro garanci, shuma më e madhe e dhënë për Dhomat e Specializuara. Ndërsa në fillim të janarit, Speciales i kishte shkuar kërkesa e fundit e Smakajt, para se të nisë procesi, ku akuzohet edhe ish-presidenti i Kosovës, Hashim Thaçi.  Aty u ofruan, pos 20 mijë eurove dorëzani prej gruas e djalit, edhe 30 mijë të tjera nga kolegu i tij universitar, Sami Makolli. /Klankosova.tv https://klankosova.tv/lirimi-me-kusht-fazliu-thyen-rekord-ofron-40-000-e-dorezani-video/ https://klankosova.tv/lirimi-me-kusht-nga-50-makolli-garanton-30-mije-euro-per-smakajn-vide1o/