Limaj: Prizreni e do Zafir Berishën për kryetar komune

Kryetar i Nismës për Kosovën është i bindur që qyteti i Prizrenit në zgjedhjet e së dielës do ta votojë kandidatin e partisë së tij për kryetar komune, njofton Klan Kosova. Fatmir Limaj ka shkruar se Prizreni po e do Zafir Berishën për të parin e tyre. “Prizreni e tha fjalën e vet, e do Zafir Berishën për kryetar komune”. “Në sheshin ‘Shadervan’, të mbushur me njerëz u rikonfirmua mbështetja e madhe e qytetarëve të Prizrenit për Zafir Berisha dhe ekipin e tij”, ka shkruar Limaj. “Në këtë tubim i bëra thirrje qytetarëve të Prizrenit të mos e lëshojnë rastin për ndryshime dhe pavarësisht përkatësisë etnike e fetare dhe bindjeve partiake të bashkohen për ndryshimin e madh për t’ia dhënë një mundësi qytetit të Prizrenit”. “Me Zafir Berishën do të bëhet një prerje nga e kaluara për të filluar ndryshimin. Jam i bindur që më Berishën gjërat do të ndryshojnë në Prizren”.

klankosova.tv