Liderët e G20 me një minutë heshtje për viktimat e Parisit

Liderët e G20 mbajtën një minutë heshtje për viktimat e Parisit. Takimi ku u zhvilluan punimet e samitit të udhëheqësve botërorë, ndryshe nga herët e kaluara ka marrë një sens urgjence për shkak të sulmeve vdekjeprurëse terroriste në Paris. Ata kanë rënë dakord për të rritur kontrollin e kufijve dhe sigurinë e aviacionit  pas sulmeve në Paris sipas një projekt-deklarate, transmeton Klan Kosova. Krerët  në takimin e G20 në Turqi, kanë dënuar sulmet që janë kryer nga Shteti Islamik duke thënë se ata mbetën të bashkuar në luftën kundër terrorizmit, sipas draft dokumentit. Presidenti amerikan Barack Obama ka folur në margjinat e samitit të G20, pas një takimi me homologun e tij turk Rexhep Tajip Erdogan.

Jean Claude Juncker, kreu i Komisionit Evropian, ka bërë apel për Europën që  mos ta rimendojë politikën e saj mbi refugjatët pas sulmit në Paris.

Juncker tha se përgjegjësi për sulmet në Paris është kriminel dhe jo një refugjat apo azilkërkues.

Ndërsa Presidenti rus Vladimir Putin dhe Presidenti amerikan Barak Obama janë parë duke folur me njëri - tjetrin në një takim jozyrtar në margjinat e samitit të Grupit të 20 në Turqi.