Lajmet e fundit
Presidenti në ardhje Hashim Thaçi ka bërë të ditur se sot ka pranuar urime për postin që sapo është zgjedhur nga Presidenti i Këshillit Europian dhe ai i Komisionit Europian.
“Sot pranova urimet edhe zyrtare, pas atyre miqësore, nga z. Donald Tusk, President i Këshillit Europian, dhe Jean-Claude Juncker, President i Komisionit Europian, për zgjedhjen President i Kosovës” ka thënë Thaçi në Facebook, transmeton Klan Kosova.
Ai ka thënë se përkrahja e miqve në Bruksel dhe Strasburg është më shumë se sa e mirëseardhur ndërsa sipas tij Kosova është me fat që ka miq të tillë.
“Besimi i shprehur në synimet e mia që të punoj që të bëj bashkë të gjitha palët për të punuar për të mirën e përgjithshme, për zhvillim dhe stabilitet në vendin tonë, janë hapa që na shpijnë edhe drejt BE-së”.
